Kalaallit Nunaanni nunamik uuttortaaneq

Asiaq – Kalaallit Nunaanni Misissueqqaarnerit nunamik uuttortaasartutut ilinniagartuumik landinspektørimik, ingeniørimik assigisaannilluunniit suliassanut tamatigoortunut unammilligassaasunullu ilisimasalimmik pissarsiorpoq.

 

Suliassanut akisussaanikkut GNSS aamma uuttortaassut totalstation aqqutigalugit Kalaallit Nunaannilu illoqarfiit pingaarnersaanni nunamik teknikkikkut ulluinnarni uuttortaaneq siuttuuffigissavat. Tamatuma saniatigut timmisartuaratsinnut dronemut ingerlatsinikkut akisussaassaatit fotogrammetrimilu immikkut ilisimasalittaassallutit, sulisuttalu sinneri suleqatigalugit timmisartuaraq inuttaqanngitsoq atorlugu paasissutissanik katersineq tamatumalu kingorna portussutsinik ilusilersuineq silaannarmillu assilisanik suliaqarneq isumagissallugu.

 

Pingaarnertut atorfik Nuummi inissisimavoq, aasakkuunerusorli Kalaallit Nunaanni illoqarfinnut, nunaqarfinnut nunamullu ammaannartumut angalanissamut periarfissaqarluartarluni. Atorfiup ilangaatsiaa qulimiguulimmik qaqqanut timmisartornermik nassataqarsinnaavoq. Nalinginnaasumik peqqissuussaatit piffissani sivikitsuni inuilaami tupermi unnuisarnissamut piareersimassallutit.

 

Neqeroorutigaavut atorfik annertuumik akisussaaffeqarfiullunilu kiffaanngissuseqarfiusoq kiisalu ineriartornissamut periarfissaqartoq pitsaasunik. Teknikkikkut nunamik uuttortaanerup timmisartuaqqamillu inuttaqanngitsumik timmisartuarnerup saniatigut 3D visualiseringimik bathymetriskimillu uuttortaanermik suliaqassaatit. Nunami 9-nik UTM-zoneqarfiusumi Kalaallit Nunaannut geoidemik, nunap qaavata ilusaanut najoqqutassamik nutaamik, atuutilersitseqataassaatit. Kalaallit Nunaannut nunamik uuttortaanermi naleqqat najoqqutarineqartut nutarterneqartarnissaat akisussaaffigissavat. Suliannut annertuumik sunniuteqassaatit tamatumalu ineriartortinnissaanut periarfissaqarluassallutit kiisalu suliassat inuttut nammineerlutit sunniuteqarfigisinnaassallugit. Suliassatigut avatangiisini pissanganartuni Kalaallit Nunaanni pinngortitamik asseqanngitsumik tunuliaqutaqartunit atorfimmik asseqanngitsumik neqeroorfigaatsigit.

 

Illit suleqatigiinnut ilaasutut sulisinnaassaatit kisiannili aamma namminersuutigisannik aalajangiisinnaassallutit. Suliaqatigiinnut Landmåling & Geoteknikimut ilaassaatit, tassanilu suleqatit tunniusimalluartut pingasut suleqatigissallugit. Aaqqissuussaanermi nunanit kulturinillu arlalinneersunik inuttalimmi sulisinnaassuseqassaatit. Teknikkikkut nunamik uuttortaaneq misilittagaqarfigaat immaqalu aamma paasissutissanik fotogrammetriskiusunik suliaqarnermik misilittagaqarlutit. Sapiissuseqarluarputit suliassaqarfiillu nutaat iserfiginissaannut piareersimallutit. Oqaatsitigut ersersitsillaqqissuuvutit, orniguttarluni tuniniaanermik suliaqarneq soqutigisaralugu sullitanullu aaqqiissutissat pillugit siunnersuisinnaallutit.

 

Atorfinitsitaanermi atugassarititaasut

Aningaasarsiaqarnikkut atorfinitsitaanikkullu atugassarititaasuni Namminersorlutik Oqartussat kattuffiullu attuumassuteqartup akornanni isumaqatigiissut malinneqassaaq. Atorfimmut atatillugu ineqartitaanissaq malittarisassat atuuttut malillugit neqeroorutigineqassaaq. Sulilernermi kiisalu sivikinnerpaamik ukiuni pingasuni atorfeqareerluni soraarnermi illit, aappaqaruit aappallu meeqqatillu nuunnermi angalanermilu aningaasartuutinik akiliunneqassaasi. Ulloq atorfiniffissaq: septembarip aallaqqaataa 2019.

 

Paasissutissat sukumiinerusut qinnuteqarnissamullu killigititaasoq

Atorfik pillugu paasisaqarnerorusukkuit suliaqatigiinnut aqutsisumut Martin Nautamut imaluunniit sulialinni ataqatigiissaarisumut Alexander Hellandimut tlf. +299 348800 aqqutigalugu saaffiginninnissamut tikilluaqqusaavutit. Asiaq pillugu annertunerusumik paasisaqarsinnaavutit uani: www.asiaq.gl

 

Qinnuteqaat Asiamit tiguneqareersimassaaq kingusinnerpaamik ataasinngorneq 24. juni 2019 kl. 12:00.

Qinnuteqaat ”Landmåling i Grønland – Landmåling & Geoteknik”-imik nalunaaqutserneqassaaq, CV-mik, soraarummeersimanermut uppernarsaatinik allanillu attuumassutilinnik ilanngussivigineqassalluni nassiunneqassallunilu uunga: asiaq@asiaq.gl