Remote sensing

ESA AALM4INFRAM Permafrost/Aajuitsoq

Ilisimasassarsiorfik:

Aajuitsoq

Ingerlatsiviginiagaq:

Kalaallit Nunaat

Ukioq aallartiffia:

2019

Naammassinissaa:

2020

Attaveqarfissaq

Remote Sensing, Asiaq

Silaannaap kissatsinnera Issittumi tunngaviusunik allannguisitsivoq taamallu Kalaallit Nunaanni illoqarfinni nunaqarfinnilu nunap attavilersorneqarneranik piujuaannartitsinerlu tunngavigalugu ineriartirnissamut ulorianartorsiortitsilluni. Nunap qaavata kissakkiartornera ataani aajuitsup aakkiartorneranik malitseqar-titsisinnaavoq, taamallu nunap pataajatsumik oqimaassutsimik tigumminnissinnaanera appartinneqarsinnaalluni. Kalaallit Nunaanni nunap ataani aajuitsup aakkiartornera sanaartorniarnermut siunissamilu ineriartortitsinissamut unamminartoqalersitsivoq. Imaassinnaavormi aajuitsoq aakkiartuinnalissasoq allaallu ukiut hundredikkuutaarnranni maanna ingerlasumi aakkiartorneq sukkatsikkiartuinnalersinnaalluni.

Uani ingerlanniakkami qaammataasianit assilisat uuttortaanermi, aakkiartornerullu ingerlaarneranik nakkutilliinermi atorneqassapput ilassutitut nalilersuinermi ilanngullugit nunaannarmi/inuilaami geotekniskiusumik misissuinertigut paasissutisiat aammalu GIS atorlugu paasisanik takussutisiarinninnerit.

Qerisup malussarissusia, qerisup qaffattarnera, issussutsit allanngoriartornerat aammalu aajuitsup aakkiartorneranik paasisat katersorneqassapput nunallu assiliorluni aajuitsup allanngujaassusia allanngoriartornermullu malussarissusia sumiiffinni ukuusuni: Ilulissat, Ittoqqortoormiit, Kangerlussuaq, Qaanaaq aamma Sisimiuni ingerlanneqassalluni.

Misissuinerit inernerusullu tassani ingerlanneqartumi pissarsiaasut erseqqissarumallugit Asiaq Kalaallit Nunaanni soqutigisaqaqatigisat Nuummi decemberip qaammataani ukioq 2019 workshopertippai.

Soqutigisaqatigisat suliaqartuupput aajuitsup allanngoriartorneranit sunnerneqartunik suliaqartuusut taamaammallu ilisimasanik agguaasseqatigiinnissamik pisariaqartitsisuusut. Soqutigisaqaqatigisat Namminersorlutik Oqartussaneerput, Kommunineerlutik. Sanaartugassanik/illussanik titartaasartuullutik, ingeniøriullutik Nukissiorfimmeersuullutillu. Workshopernerup ingerlanerani aajuitsup qaavani sanaartornernik/illuliornernik misilittakkat unamminartuutitallu pillugit oqallinnerit ingerlanneqarput qitiutillugu misissuinissaq, pisortaqarfiit, ilisimasassarsiortut aammalu suliffeqarfiit namminersortut allanngoriartuutinut pitsaanerusumik nalimmassarnissaq angujumallugu qanoq iliorlutik suleqatigiissinnaanermik pisariqartitsisut. Taamatullu oqallinnerit tunngavigalugit ingerlanneqartup naammassissutaa qulequtserneqarpoq. Soqutigisaqaqatigiillu attaveqaqaqatigiinnerat pineqartup ingerlannerani ingerlannassaaq. Naammassineranilu inernerulersut tamait atorneqarsinnaatinneqalissallutik.

Projekti Nittartagaq