Asiaq Kalaallit Nunaanni droninik ingerlatsisinnaasutut akuerisaanikuuvoq, dronersinnaasunillu allagartalinnik sulisoqarluni. Asiaq-mi dronit timmisartut atorlugit sanaartorfinni nunaannarmilu uuttortaasoqartarpoq. Dronit atorlugit uuttortaaneq sumiiffinni annertuuni tikikkuminaatsunilu eqqortumik pitsaasumillu ingerlanneqarsinnaavoq. Droninit paasisat aallaavigalugit sumiiffiit, nunap qanoq issusaa, nunallu qaava kiisalu ortofotot pitsaasut suliarisinnaallutigillu naatsorsorsinnaavagut.

Asiaq-mi dronit assigiinngitsut pigaagut, ilaatigut quadkopter-it aammalu dronit aalajangersimasunik sulullit. Dronini payloads-it assigiinngitsut atorneqarsinnaapput, aammalu assigiinngitsunik assiliiveqarlutillu sensor-eqarput. Pisariaqartittaq, tassa nunap assinganik suliaqarniarnermi, nakkutilliinermi, misissuinermi, ilisimatusarnermi assigisaannilu aallaavigalugu toqqaasoqarsinnaalluni.