Sermip sinaani tasinngortut pinngortarput uukkartarfiit sermersuullu sinaanni, tamaani sermip aanneranit imeq annertuumik katersuutileraangat. Taaneqartut sinaanni tasinnguunnikut ilaatigut qaarlutik imaartarput taaneqartumik GLOF.

Taaneqartut sinaanni ilisimaneqartunik tasinnguunnerpassuaqarpoq, maannamulli sukumiisumik nalunaarsorlugit takussutissiarineqarnikuunngitsunik. Uanilu ingerlanneqartumi nunarput tamakkerlugu nalunaarsuinerit siullersaat ingerlapparput ukioq 2017 aallartiffigalugu.

Tatsit angissusiinik nalunaarsuinermi qaammataasanit Sentelinit: Sentinel-1, Sentinel-2 aamma ArcticDEM-imit assilisat atorpagut, kingorna ataatsimoortillugit qarasaasiamut toqqorterneqartunik.

Tatsit qanoq ineriartornerinik ukiut qulit missingini misissuinerni ilanngunneqarput nunatta Kujataani tasinnguunnikkut toqqartukkat. Tassani ilaatinneqarput assilisatoqqat, landsat-it, ERS-it aammalu Sentineliniit katersugaatigisat.

Naggataatigut nalunaarsuinerup matuma, silaannaap allanngorarfiani ingerlaavartumik tatsit qanoq allanngorarnerannik misissuinerit piuminarnerulissapput taamallu ilisumik Kalaallit Nunnaanit nunarsuarmi immat qaffakkiartornerannik malittarinnernut aamma tunniussaqassalluni. Kiisalu aamma misissuinermit ilisimalikkat nunap ataqatigiissarnissaanut imeqarfinnillu aqutsinissaq eqqarsaatigalugit aaliangiisussat pilersaarusiornerannut pingaaruteqartumik sunniuteqassapput aammalu uukkartartunit tasinngortitat qanoq pissusaannik malittarinnittoqarsinnaasunngussalluni.