Suliffissaq

Ilisimatusarnermi Ikiorti: Silaannaap Pissusaannik – Sumiiffinnilu Paasissutissanik Katersuisartoq

Asiaq – Greenland Surveyi silaannaap pissusaanik sumiiffinnilu paasissutissanik katersuinermut atatillugu ilisimatusarnikkut ikiortimik ujartuivoq

Sulisussatta nutaap siullertut suliassai tassaapput ulluinnarni GEM atorlugu ilisimatusaatip GeoBasisip ulluinnarni ingerlaannarnissaannut suliaqarneq. Atortoq Københavns Universititimi Geovidenskab og Naturforvaltningillu ataani inissisimavoq. GeoBasis atorlugu suliaqarneq Nuummi ingerlatissavat.

Naatsorsuutigissavat maajimit oktobarip tingaanut Kangerluarsunnguani misissuivitsinni sulisarnissat, Kangerluarsunnguit Nuummit umiatsiamik 30 min. Missaannik ungasissuseqarpoq. Misissuivimmi sulinivit nalaani suleqatitit Pinngortitaleriffimmeersut kiisalu Københavns Universitetimeersut peqatigisassavatit. Suliassat tassaassapput:

  • Misissuivimmit paasissutissanik katersineq
  • Suliniummi atortunik teknikkitigullu atortunik allanik (Eddy covariancenut misissuutit, metan-kamrenut atortut nammineertartut, assiliissutit, Campbell dataloggerit aammalu nunami imernut misissuutit assigisaallu) ineriartortitsineq aserfallatsaaliinerlu
  • GEM-databasemit paasissutissat pitsaassusaannik qulakkeerinninneq tunniussuinerlu
  • GEM-ip suliassaqarfiisa iluani Asiallu suliassaqarfiisa iluani suliaqarneq
  • Nunat tamalaat akornanni saqqummersitsisarfinni ilisimaneqarluartuni paasissutissanik saqqummiinerni peqataaneq

GeoBasis sukumiinerusumik uani paasisaqarfigiuk: https://g-e-m.dk/gem-science-programme/geobasis-programme

Suliffeqarfiup aaqqissuussaanera eqqarsaatigalugu Asiami Imermut, silaannaap pissusaanut avatangiisinullu immikkoortortaqarfimmi sulilissaatit. Immikkoortortaqarfimmi pingaarnertut suliassat tassaapput silaannaap erngullu pissusaanut paasissutissanik nakkutilliineq kiisalu paasissutissanik atuisunut, soqutigisalinnut tamanullu saqqummiussineq. GeoBasisimik suliaqarnivit saniatigut Kalaallit Nunaanni silaannaap erngullu pissusaanut paasissutissanik katersinerup qulakkeerneqarnissaanut pingaarutilittut inissisimassaatit. Paasissutissat katersorneqartut atorlugit uppernarsaasiussaatit, paasissutissat pitsaassusaannik qulakkeerinnissaatit, misissuissaatit kiisalu atuisunut soqutigisalinnullu paasissutissiissassallutit.

Asiaq sukumiinerusumik uani paasisaqarfigiuk: www.asiaq.gl

Atorfininneq Namminersorlutik Oqartussani allaffissornikkut pisortanut kattuffiullu attuumassuteqarfigisap akornanni isumaqatigiissutaasimasut naapertorlugit inissisimapput.

Atorfinittussamut inissaqartitsisoqanngilaq. Atorfinittorli sulisut inaataanni najugaqareersimaguni, inini paariinnarsinnaavaa, atorfeqartitaanerli atorunnaarsinneqarpat inigisaq aamma qimanneqassaaq.

Atorfinitsitsineq isumaqatigiissuteqarnikkut pissaaq. Atorfik pillugu sukumiinerusumik paasisaqarnerorusukkuit immikkoortortaqarfimmi pisortaq Anders Læsøe oqarasuaammut +299 34 88 12-mut saaffigineqarsinnaavoq.

Qinnuteqaat ” FORSKNINGSASSISTENT”-imik nalunaaqutserneqassaaq. Qinnuteqarnermi CV kiisalu soraarummeernermit uppernarsaatit ilanngullugit nassiunneqassapput. Qinnuteqaat uunga kingusinnerpaamik apriilip 25-at mailimut nassiunneqassaaq: asiaq@asiaq.gl