Marsip qeqqata nalaani Asiaq saassussinermik ransomwaremik taaneqartartumik saassunneqarpoq. Ransomwaremik taaneqartartumik saassussinermi pinerlunniat suliffeqarfiit paasissutissaataat systemiilu ajortittarpaat, pinngitsaaliillutillu akiliisitsiniaasarlutik.
-
Nittartakkatigut pinerlunnianit sakkortuumik saassunneqarpugut, qujanartumilli Asiaq-mi paasissutissaatigut sillimaniarneq eqqarsaatigalugu kopeerneqarsimammata, taamaalillutik pinerlunniat saassussigaluarnerat akiliinermik kinguneqanngitsoortinneqarpoq.
Saassussinerup kinguneraa Asiaq-ip nalinginnaasumik ingerlalernissaanut sapaatip-akunnialui ingerlaqqaartariaqartut. Soorluttaaq aamma innuttaasorpassuit angalaalertillutik Asiaq-ip silasiornermut nittartagaa atorneqartartoq aamma atorneqarsinnaanngikkallartoq.
- Pisoq Asiaq-mit pimooruttorujussuuarput, saassussinermillu kingunerluutit iliuuseqarfigalutigit, soorluttaaq aamma qarasaasiaqarnitsinni sillimaniarnermut attuumassusillit annertusarigut, taama oqarpoq Asiaq-ip pisortaa Mette Skarregaard.
Nittartakkatigut saassussinneqarnerup kingorna atuisunut kiffartuussanullu sunniutaasut tamaasa Asiaq-ip ajuusaarutigai.