Skip to main content
Uncategorized

Asiaq-ip nuna tamakkerlugu nunap assiliorfigineqartarnera pitsanngorsarpaa

By April 26, 2023May 2nd, 2023No Comments

Nuna tamakkerlugu assiliorneqartarnera Asiaq-ip nutarterpaa. Nutaanik ataqatigiissunik uuttortaatinik peqalernikkut nutarterisoqarpoq. Siornatigut inoqarfiit tinittarnerata ulittarneratalu akornanniittumut nalimmassakkamik uuttortaateqarsimagaluarput. Maannakkut atortorissaarut nutaaq atorlugu GPS allallu atoruminarnerulissapput.

2023-p ingerlanerani illoqarfinni nunaqarfinnilu fikspunkt-it 300 missaanniittut Asiaq-ip taarsersussavai. Fikspunkt uuttortaataavoq aalajangersimasumut nunamut ikkunneqartartoq, taannalu kisatut nikinnaveersitatut allatulluunniit inissinneqartarpoq. Fikspunkt-it ilaatigut najugaqarfiit nalaanni sanaartorniarnermi uuttortaatitut atorneqartarput.

    • ”Fikspunkt-it ilaatigut nunap assinganik allanilluunniit geodata-nik suliaqarniarnermi atorneqartarput. 2023-p ingerlanerani Asiaq-mit fikspunkt-it illoqarfinniittut nunaqarfinniittullu nutarterneqassapput, taamaalilluta nuna tamakkerlugu uuttortaatigut assigiissarlugillu nutartissavagut”, Asiaq-mi immikkoortortaqarfimmi pisortaq John Kamper taama oqarpoq.

Siornatigut 1960-ikkunni immap tinittarnera ulittarneratalu akornaniittut aallaavigalugit uuttuutit inoqarfinnut ataasiakkaanut ikkussuunneqarsimapput. Fikspunkt-it nutarsaavigineqarneri tunngavigalugit Kalaallit Nunaanni portussutsinut system-i GPS-imik aallaaveqalissaaq. Fikspunkt-it qutsissusaa ilaatigut satellitsikkut uuttuinermit, oqimaassutsinut data-nit allanillu nutaaliaasunit uuttortarneqarsinnaalissapput. Systemimi nutaami uuttortaanerit DTU-mit (Danmarks Tekniske Universitet) ingerlanneqarsimapput.

    • ”Pitsanngorsaavigineqarnerpaasussaq tassaavoq nuna tamakkerlugu ataqatigiissumik systemeqalissagatta, fikspunkt-illu GPS allallu nutaaliaanerusut pissutsinullu naleqqunnerusut tunngavigalugit uuttortaanissamut atorneqarsinnaanerulissammata.” John Kamper naggasiivoq.

Asiaq-mit suliniut aallarnisarneqalerpoq, nunaqarfinni illoqarfinnilu nutarterisoqaleraangat inoqarfiit ataasiakkaat nalunaarfigineqartassapput. Fikspunkt-inut atuisunut soqutigisalinnullu allanut nutarterinerup ingerlanneqarnera peqataatitsiffiullunilu paasissutissiiffiusarumaarpoq.

Paasissutissat

  • Asiaq Namminersorlutik Oqartussat ataanni namminersortitaavoq
  • Ineriartortoqarnissaa anguniarlugu Asiaq-mit avatangiisinit paasissutissanik katersineq, suliareqqiineq paasissutissiinerlu Asiaq-mit ingerlanneqartarpoq.
  • Asiaq avatangiisinit paasissutissanik suliaqarnissamut suliakkerneqarsinnaavoq. Soorlu GIS-inik, nunap assinginik, misissueqqaarnermik, sanaartornissamut killiliinermut, attaveqaatissanik (aqquserngit, mittarfiit, erngup nukinganik nukissiorfiit, aatsitassarsiorfiit, najugassat) sanaartornissamut tunngasut.
  • Najugaqarfinni tamani Asiaq-ip fikspunkt-it inerisarlugillu aserfallatsaaliorpai. Kalaallit Nunaanni Fikspunkt-it terrestrisk-imut attuumassuteqarput, taakkualu uuttortaanissamut tunngaviupput eqqortuullutillu.
  • Nunami fikspunkt-it ersarissumik nalunaarsorneqarsimapput.
  • Fikspunkt-it ilaatigut nunap assinganik suliaqarnerni, soorlu uuttortaanerni sanaartornernilu atorneqartarput.