Skip to main content
Uncategorized

Asiaq Europamiullu avataarsuanut kattuffiat suleqatigiinneruniarput

By May 1, 2023May 2nd, 2023No Comments

Nunalerinermut, Imminut Pilersornermut Nukissiutinut Avatangiisinullu Naalakkersuisoq, Asiaq DTU-Spacelu peqatigalugit Europami avataarsuanut kattuffik (European Space Agency, ESA) suleqatigiinnerulernissaq anguniarlugu ataatsimeeqatigaat.

  • “Ataatsimiinneq ingerlalluarsimavoq, peqataasut tamarmik suleqatigiinnerunissaq soqutigisaraat. Asiaq-mi silaannaap pissusaanut tunngatillugu suliniutit assigiinngitsut ingerlanneqarput, taakkualu ilaat Europami avataarsuanut kattuffimmiit tapiiffigineqartarput, taamaakkaluartoq suleqatigiinnerput suli annertusarusupparput”, Asiaq-mi pisortaaneq Mette Skarregaard taama oqarpoq.

Den Europæiske Rumorganisation (ESA) Europami nunat avataarsuanut avataarsuanilu misissuinermut tunngatillugu ataatsimoorfigisaraat. ESA-mi sulissutigineqarpoq paasissutissat avataarsuaneersut eqqissisimasumik misissorneqarlutillu atorneqassasut. Kattuffimmiit ilaatigut satellit-tit misissuutaasussat aallartinneqartarput, soorluttaaq aamma kattuffiup misissuinermi suliassat, satellit-tinit paasissutissanik atuiffiusut tapiiffigisaraat.

  • “Asiaq-ip DTU-Space peqatigalugu suliniutinik suliaqarniarput, tassanilu ESA-p satellit-iitaannit paasissutissat atorniarneqarput, taakkualu atorlugit Kalaallit Nunaanni avatangiisini allanngoriartornerit maluginiarsinnaavagut”, Asiaq-ip pisortaanera naggasiivoq.

ESA-p ilaatigut satellit-tit nunamut nakkutilliisinnaasut atorlugit, nunarsuup peqqissusaa nakkutigineqartarpoq, paasiniarneqartarlunilu nunarsuaq qanoq ingerlariuseqarnersoq. Ilisimatuut naalakkersuisullu paasissutissat satellitsimeersut atorlugit nunarsuarmi pissutsit, silaannaap allanngoriartornerani pissutsit paasiniartarpaat, taakkualu aallaavigalugit nunarsuup mianerinissaannut iliuusissanik aallartitsisarlutik. Assersuutigalugu satellit-tit nunamut nakkutilliisinnaasut atorlugit sermersuup allanngoriartornera misissorneqarsinnaavoq.

  • “Isumasioqatigiisitsineq oqaloqatigiinnerlu aqqutigalugit attuumassuteqarfigut suleqatigiiffiusinnaasullu ersarissarneqarput, takkunanilu ESA-mi pisinnaasaqarfiit paasissutissallu atorlugit suleqatigiittoqarsinnaavoq, taakkualu tunngavigalugit Kalaallit Nunaanni ilisimatusarneq inuiaqatigiillu inerisarneqarsinnaapput”, Europamiut avataarsuanut kattuffianni pisortaq Simonetta Cheli taama oqarpoq.

Ataatsimiinneq ingerlanneqarsinnaasimavoq, Nuummi ilisimatuunut Mapping the Arctic pillugu isumasioqatigiittoqarnera peqqutaalluni, tassanilu Europami avataarsuanut kattuffik aamma peqataavoq.

Faktaboks

  • Asiaq er en nettostyret virksomhed under Grønland Selvstyre
  • Asiaq indsamler, bearbejder og formidler information om det fysiske miljø til fremme for vækst og udvikling i samfundet.
  • Asiaq kan rekvireres til opgaver der omhandler at indsamle og få information om det fysiske miljø. Det kan fx være GIS og kortlægningsopgaver, forundersøgelser og afsætning til anlægsprojekter som udbygning af infrastruktur fx veje, lufthavne, vandkraftværker, miner og boliger.
  • Asiaq varetager udvikling og vedligeholdelse af fikspunknettet for alle bosteder. Fikspunktnettet i Grønland er et terrestrisk referencesystem, som danner grundlaget for præcis opmåling.
  • I landskabet er fikspunkterne markerede fysiske punkter.
  • Fikspunktnettet anvendes blandt andet til kortproduktion og som grundlag for opmåling og byggeri.