Najugaqarfiit assingat

Najugaqarfiit assingat tekniskiuvoq qatsissusersugaq 3D-usoq, paasissutissanik ulikkaarlunilu ersarissoq.

Najugaqarfiit assingat makkuninnga imaqarpoq: aqquserngit, pisuttarfiit, illut, atortulersuutit tekniskiusut, illoqarfiit atortui, kuuit, tatsit, nunaminertat sumut atorneqarsinnaaneri, talittarfiit, mittarfiit, aqquserngit nunallu aqqi, illut normui. Najugaqarfiit assingat qatsissutsinut data-nik imaqarpoq soorlu qatsissusilersuut digitaliusoq (digital tærrenmodel) aammalu qatsissutsit titarnertaanik (højdekurver) imaqarluni.

Timmisartumit dronemilluunniit ammut narlorissumik assilisat aallaavigalugit najugaqarfiit assingat titartarneqarsimavoq. Silaannarmit assilisat katiternerisa inerneri ortofoto-liarineqartarput. Ortofoto uuttuusersugaavoq najugaqarfiit assinganut aamma atorneqarsinnaalluni imaluunniit sumiissusersugaagami nunap assingatut atorneqarsinnaalluni.

Sumut atorneqarsinnaaneri
Najugaqarfiit assingi makkununnga atorneqarsinnaapput; nunaminertat pilersaarusiornerannut, nunaminertanik aqutsinerni, aatsitassarsiornermi, pinngortitamik illersuiniarnermi, sanaartornissamut pilersaarusiornermi, assartuinermi ingerlasussallu pilersaarusiornerini, sillimaniarnermi, asiarnerni aammalu takornarialerinermi. Paasissutissat aamma ilisimatusarnerni pinngortitami, avatangiisinut, silaannaap pissusaanut, kulturimut aammalu oqaluttuarisaanermi ilisimatusarnermi atorneqartarput.

Asiami paasissutissat akeqanngitsut linki una toorlugu iserfigisinnaavatit:

Nunap assingi

Tunngaviusumik nunap assinga ortofotolu takuniarukkit, linkerlu tulliuttoq toorlugu:

Nunap assinga nuisiuk

Najugaqarfiit assingi:

Najugaqarfiit assingisa imai atortuilu uani pdf-imi takuneqarsinnaapput:
Uani sumi Asiap najugaqarfiit assingat nutartertarneraa takusinnaavat:

Attavissaq

Assit & Geodata

+299 34 88 00

kortbutik@asiaq.gl