Suliffissaq

Kalaallit Nunaannut imermik ilisimasalik

Asiaq – Greenland Survey imermik ilisimasalimmik sulisussarsiorpoq

Neqeroorutigisinnaavarput atorfik Kalaallit Nunaanni imeqarnermut tunngasunik suliassaqarfiusoq. Imermik nukissiorfissanik imeqarfissanillu misissuineq ingerlatissavat saniatigullu nunanit tamalaaneersunik suleqateqarnikkut ilisimatuussutsikkut suliniuteqartoqarneratigut ilisimasatit ineriartortissallugit. Imeq pillugu paasissutissanik katersissaatit pitsaassutsinikkullu qulakkeerinninnernik suliaqassallutit, paasissutissallu atorlugit misissuisassaatit pisuusaartitsisassaatit paasissutiisassallutillu.

Suliannut sunneeqataalluarsinnaavutit Asiamilu AC-t teknikkerit avataaneersullus uleqatigisartakkagut atuisugullu aqqutigalugit ineriartorluarsinnaallutit. Imermut Silaannaap pissusaanutu Avatangiisinullu immikkoortortaqarfimmi sulilissaatit sulisullu arfineq pingasut suliaminnut tunniusimasut suleqatigissallugit.

Atorfik pingaarnertut Nuummi inissisimassaaq, aasakkuunerusorli Kalaallit Nunaanni sumiiffinnut misissuiartortarnissaq ilimanaateqarpoq. Inuilaami tuperni unnuisarsinnaaneq eqqarsaatigalugu timikkut peqqissuusariaqarputit.

Kalaallit Nunaanni pinngortitami kusanaqisumi immikkuullareqisumilu atorfik immikkuullarissoq pissanganartunik suliaqarfissaqarfiusoq sulilertussamut neqeroorutigisinnaavarput.

Piginnaasatit, imeqarnerup iluani akademiskimik ilinniarsimasuuvutit, iluaqutaasinnaavoq issittumi pissutsit aallaavigisimagukkit. Misissuinermik misilittagaqarputit tassunga ilanngullugu imeqarnermut tunngassuteqartunik misissuissutinik nalunaarsuutinillu ingerlatsineq. Iluaqutaasinnaavoq WISKI database, pisuusaartitsinerit GIS-illu misilittagaqarfigigukkit.

Tunuarsimaartuunngilatit suliassaqarfiillu nutaat nalimmassarfigisinnaallugit. Qallunaatut tuluttullu allakkatigut oqaatsitigiullu attaveqarluarsinnaavutit, atuisunullu aaqqiissutaasinnaasunik siunnersuisinnaallutit. Suleqatikkuminartuuvutit nammineersinnaassuseqarlutillu. Suliffeqarfimmimmi assigiinngisitaarfiusumi sulisinnaavutit.

Atugassarititaasut

Atorfininneq Namminersorlutik Oqartussani allaffissornikkut pisortanut kattuffiullu attuumassuteqarfigisap akornanni isumaqatigiissutaasimasut naapertorlugit inissisimapput. Malitttarisassat atuuttut malillugit inissaqartitsisoqarsinnaavoq. Atorfininnermut atatillugu angalaneq nutsernermullu aningaasartuutit, sulilertussap aapparisaa, meeraalu ilanngullugit atorfininnermut atatillugu matussuserneqassapput, atorfinittorlu minnerpaamik ukiut pingasut atorteqarsimappat, nunaminut uteqqinnissaanut aningaasaartuutit aamma matussuserneqassallutik. Septembarip aallaqqaataa atorfinik inuttalerniarneqarpoq.

Paasissutissat sukumiinerusut

Atorfik pillugu sukumiinerusumik paasisaqarniaruit imermut ilisimasalik Dorthe Petersen imaluunniit immikkoortortaqarfimmi aqutsisoq Anders Læsøe saaffigineqarsinnaavoq +299 348800-imut. Asiaq pillugu paasisaqarnerorusukkuit www.asiaq.gl takuuk.

 

Qinnuteqarfissaq

Qinnuteqaat ” Hydrolig”-imik nalunaaqutserneqassaaq CV kiisalu soraarummeernermit uppernarsaatit ilanngullugit nassiunneqassapput. Qinnuteqaat uunga mailimut nassiunneqassaaq: asiaq@asiaq.gl. Qinnuteqaat kingusinnerpaamik juulip 11-at tunniunneqassaaq, oqaloqatiginninnerillu sapaatip akunnera 28-mi ingerlanneqassallutik.