Skip to main content

Silap pissusaa aammalu silasiorneq

Asiaq silasiorfinnik nappaanermut ingerlatsinermullu misilittagaqarluarpoq, pisortat suliffeqarfiutaannut namminersortunullu silasiorfinnik ikkussuissussisarlutik. Uuttuutivut, Kalaallit Nunaata silaannaanut immikkut tulluussagaapput pissarsiarisarpavut aammalu uagut nammineq sullivitsinni suliarineqartarput. Uuttukkat uagut nammineq serveritsinnut qaammataasat aammalu mobilit attaveqaataat aqqutigalugit nassiunneqartarput, taamaasillutalu uuttukkat ullut tamaasa pissarsiarineqarsinnaapput.

Asiap Mittarfeqarfiit aamma Dansk Meteorologisk Institut (DMI) suleqatigalugit, Kalaallit Nunaata sineriaani silasiorfiit arlallit ingerlappai. Silasiorfinnit uuttukkat nittartakkatsinni takuneqarsinnaapput

Paasissutissat sumut atorneqarsinnaaneri

Mittarfiliornerni misissueqqissaarnerit, sanaartornermut aammalu nunap atortulersuutaanut inerisaanermut, anorimit nukissiornermut, nukissiorfinniit innaallagissap aqqutaasa qanoq sikutiginissaannut anoritussusissaannullu missingersuinermut, silap pissusaanik ilimasaarusiornernut, avatangiisinut sunniutissanut nalunaarusiornermi tapertarineqarsinnaasut, aatsitassarsiorfiulersussani tunngaviusunik misissuinernut.

Misissuinerit
  • Silaannaap pissusaanik misissueqqaarnernik siunnersuinerit
  • Massakkut qangalu silasiornerit, soorlu silaannaap kiassusaa, isugutassusaa, naqitsinera, lang & kortbølge-t avataarsuanit qinngornerit isaasut aniasullu, anorip sukkassusaa sammivialu, erseqqarissuseq, qanoq siallertigalunilu nittaattarnera aammalu nunap apisimaneranik uuttuineq
  • Issittumi silasiorfinnik annertussusiliineq, nappaaneq aammalu ingerlanneri
  • Paasissutissat silasiorfinneersut pitsaassusaasa misissorneri aammalu nalunaarusiorneri
  • Assilisat misissoqqissaarneri nalunaarusiornerillu
  • Nunap kiassusaanik aammalu qeriuaannartortaanik uuttuineq
  • Nukiit oqimaaqatigiinnerinik nalunaaqqutiliorneq
  • Nunap apisimaneranik uuttuineq
Attavissaq

Anders Læsøe
Aqutsisoq

anl@asiaq.gl