Sermeq – Avataanit uuttortaaneq

Avannaarsuani sermit iigartartut kipparaluttuinnarneri

Ilisimatusarfigineqartut:

Sermersuup ingerlaarnera, Sermit iigaat nunap qaavaniittut

Sumiiffia:

Kalaallit Nunaata avannaarsua

Aallartiffia:

2016

Naammassiffia:

2018

Tapiiffiginnittut:

Namminersorlutik Oqartussat, Pulje C

Jakob Abermann

Suliniummik aqutsisoq

Kalaallit Nunaata avannaarsuaniittut sermit 45%-iisa missaat killingi iml. iigaat nunap qaavaniipput. Taamaattoqartarpoq nuna narsaamaneruppat aammalu silaannaq issillunilu panerpat. Sermersuup ilarujussuanut naleqqiullugu, ilimaginngisamik sermit iigarfiat nunamiittoq kippariartorpoq, naak sermersuaq oqiligaluttuinnaraluarlunilu pukkiliartoraluartoq.

Misissuinermi siunertarineqarpoq siunissami suliniutigineqarsinnaasut piareersarnissaat, (I) Avannaarsuani sermit nunap qaavani iigarfillit nalunaarsornissaat, (II) ilusaasa nalilersornissaat soorlu qatsissusaat sivingassusaallu aammalu (III) sermit iigarfiisa kippariartornerisa iml. ilorpariartornerisa procentinngorlugu annertussusikannernissaat.