Asiaq Kalaallit Nunaanni Misissueqqaarnerni

silaannaap pissusaanut tunngasunik ilisimatooq

 

Atorfik silaannaap pissusaanut ilisimatuutut programminullu aqutsisutut Kalaallit Nunaanni misissueqqaarnerni inuttassarsiuunneqarpoq

 

Neqeroorutigisinnaavarput Asiaq Kalaallit Nunaanni Misissueqqaarnerni atorfik silaannaap pissusaanut ilisimatuunut aammalu programmimut ingerlatsisutut atorfik unammilligassartalik. Asiami ClimateBasisip iluaniittoq Greenland Ecosystem Monitoring (GEM www.g-e-m.dk) aqunneqarpoq. ClimateBasisip siunertarivaa 1996-imiilli Tunup Avannaarsuani Zackenbergimiit, 2007-iit Kalaallit Nunaata Kitaata nalaani Nuummiit kiisalu 2016-imi Kalaallit Nunaata Kitaaniit Qeqertarsuarmiit paasissutissat eqqortut silaannarmut imermut aputeqarnermullu tunngasut pinngortitamut tunngassutilinnut ilisimatusartunut assigiinngitsunut ingerlateqqinneqarnissaa. Misissuiffinni taakkunani Asiaq arlalinnik silaannaap pissusaanut misissuuteqarpoq, ukiunilu kingullerni qinngornernik mikrobølge-nik uuttortaat HATPRO nuissanullu assiliiviit namminneq assiliisartut aamma atorneqarlutik. Eqqaaneqartuni kingullerni ikiariissiternerit killingini nuissanilu patajaassutsit nukissamik oqimaaqatigiissitsinermut sunniutaannik misissuinermut ukkataqarput. Ilisimatuup programimillu ingerlatsisup akisussaaffigivaa; (I) qulakkiissallugu ingerlaavartumik nakkutilliineq; (II) misissuinernik aaqqissuussineq ingerlatsinerlu; (III) pitsaassutsip misissorneqarnerannik ingerlatsineq aqutsinerlu, nakkutilliivinniit paasisanik suliaqarneq misissuinerlu; (IV) inernerit ilisimatusarnerup iluanut  tamanullu saqqummiunneqarnissaat. Asiap iluanik teknikerinut ilisimatuussutsikkullu suleqatinik aammalu nunanit allaneersunik GEM-ip iluani avataanilu suliaqartunut suleqateqarnissaq pingaaruteqarpoq. Suliniutissatut isumassarsianik ineriartortitsineq aningaasaateqarfinnullu qinnuteqaasiornerit atorfimmi uani pingaaruteqarput.

 

Silaannarmut  tunngasuni ilisimatuujuvutit saqqummersitaqarluarsarsimasoq nunallu tamalaat akornanni attaveqarluartoq. Issittumi ikiariissiternerit killingini misilittagaqarputit tassunga ilanngulugu silaannarmi/nukissap oqimaaqatigiisinneqarnissaanut misissuiffiit. Iluaqutaasinnaavoq maligaasanik mikrobølgenik uuttortaanermik aammalu nuissat nukissallu oqimaaqatigiinnerisa akornanni ataqatigiissitsinermik misilittagaqarneq. Program-meerisinnaavutit paasissutissallu annertuut suliarisinnaanerannut sungiussisimallutit. Nunat tamalaat akornanneersut avatangiisinut tunngassutilinni suliniutini suleqatigisinnaavatit, Issittumi sulinermi misilittaanermik misilittagaqarputit, angalarusussinnaavutit Kalaallit Nunaannilu alutornaqisumik najugaqarsinnaasutut imminut takorloorsinnaallutit. Tuluttut tamakkiisumik allattariarsornikkut oqalunnikkullu piginnaaneqarputit iluaqutaasinnaavorlu skandinaviamiusut oqalussinnaaguit, Suliniutinut ingerlatsisimaneq, ilisimatusarneq inernernillu saqqummiussinikuunermik misilittagaqarneq pingaaruteqarpoq.

 

Asiaq Namminersorlutik Oqartussat ataanni suliffeqarfiuvoq namminersortitaq. Assigiinngitsunik suliaqartunik nunallu tamalaat akornanneersut avatangiisit pillugit uumaatsut Kalaallit Nunaanniittut sulisut katillugu 27-usut misissussallugit akisussaaffigivat. Suliarisartakkagut ilisimatusarnermiit nittarsaassinerniillu nakkutilliinermut oqartussaqarfinnullu siunnersuinernut attuumassuteqarput. Atorfinittussaq imeqarnermut, Silaannaap pissusaanut Avatangiisinullu attuummassuteqartunut suliaqartunut peqataalissaaq tassanilu aamma teknikerit sannaviat aamma ilaavoq.

 

Aningaasarsiat atugassarititaasullu Namminersorlutik Oqartussat kattuffiullu attuumassuteqarfigisap akornanni isumaqatigiissutaasimasut naapertorlugit inissinneqassapput. Atorfinittussamut inissaqartitsisoqassaaq kiisalu inatsisit malittarisassallu atuuttut naapertorlugit nuunnermut angalanermullu aningaasartuutit matussuserneqassallutik. Atorfik Nuummi Kalaallit Nunaanni illoqarfinni pingaarnerpaasumi inissisimavoq, illoqarfillu maanna assigiinngisitaartumik kulturillit najugaqarfigisaattut ineriartuleruttorpoq silamilu sunngiffimmi sammineqarsinnaasut kisissaanngitsut periarfissaallutik.

 

Paasissutissat sukumiinerusut Asiami www.asiaq.gl -imi pissarsiarineqarsinnaapput. Martin Olsen (suliaqartunut aqutsisoq, mno@asiaq.gl) saaffigineqarsinnaavoq imaluunniit Kirsty Langley (ilisimatooq, kal@asiaq.gl) saaffigineqarsinnaalluni.

 

Qinnuteqarfissaq kingulleq tassaavoq 24-05-2019. Piaartumik atorfinittoqarsinnaavoq, kissaatigaarput 01-08-2019.

Qinnuteqaat ’Researcher – Atmosphere’-imik nalunaaqutissavat nassiussilerninnilu CV, soraarummeernermi uppernarsaatit attuumassuteqartut, naqitanngorlugit saqqummersinneqarsimasut allattorsimaffiat kiisalu paasissutissat oqaaseqatillu marluk ilanngullugit asiaq@asiaq.gl -imut ilanngunneqassallutik.