Ilisarititsineq

Imeq aammalu Imermik isumalluuteqarfiit

Asiaq nunatsinni imermik isumalluuteqarfiit pillugit paasisimasatigut siuarsimanerpaavoq. Nunatsinni imermik nukissiorfiliornerni tamani aammalu amerlasuunik imermik suliffissuarnut illoqarfinnullu pilersuinermik misissueqqaarnerit suliarisarpavut. 1970-ikkunnili imermik nukissiorfiusinnaasuni misissueqaarnernik suliaqarpugut, aammalu tatsit kitaaniittut arlallit imermik nukissiorfiliarineqarsinnaasut suli alaatsinaallutigit.

Sumiiffinnik ilisimasaqarluarnitta, iluamik silamik sikumillu naliliisinnaalluartippaatigut, aammalu paasissutissat pisariallit tamaasa kisitsinermi ilanngussornerisigut, qanoq imeqartigineranik qaqugukkulluunniit qularnaatsumik naliliilluarsinnaavugut.

Paasissutissat sumut atorneqarsinnaaneri

Imermik nukissiorfinnik annertusaanermi misissueqqaarnernut, imeqarfiusinnaasunik naliliinerni, aatsitassarsiorfinnut tunisassiorfinnullu imermik isumalluutit annertussusilernerini, tatsit imissarsiorfiusinnaasut aammalu nunap pallitsaaliussap assiliornerini.

Misissuinerit
  • Imermik isumalluutinut tunngasumik misissueqqaarnermi siunnersuineq
  • Imermik isumalluuteqarfiup annertussusaata nalilersornera
  • Imeqarfimmi uuttortaavimmik nappaaneq ingerlatsinerlu
  • Paasissutissat imermik uuttortaavinneersut pitsaassusaasa misissorneri aammalu nalunaarusiorneri
  • Erngup kuutitap uuttortarnera
  • Kuuit kuunnerisa malinnaavigalugit uuttortarneri
  • Imermik misissugassamik tigusinerit
  • Apummik misissuinerit
  • Sermit alaatsinaanneri
  • Sermit aattortut assitalersorlugit annertussusersorneri
  • Statistikki atorlugu imermik uuttukkat, qarsutsikulassutsit sivissussusaasalu kisinneri
  • Nuna imissarsiorfiup annertussusersornera
  • Nuna pallitsaalisap annertussusernera
Attavissaq

Dorthe Petersen
Ataqatigiissaarisoq

dop@asiaq.gl